Plantun de Prouvènço

Pèr coumpara dos planto d'encò nostre

Cerastium latifolium & Raphanus raphanistrum subsp. landra

Cerastium latifolium

Caryophyllaceae

Nom en français : Céraiste à larges feuilles.

Descripcioun :
Aquéu ceraiste trachis dins lis esboudèu e li roucaio d'auto mountagno ounte flouris emé si "gròssi" flour blanco i mes de juliet e d'avoust. Èi pas proun grand, mai fai de tijo souto terro prefoundo. La planto èi proun pelouso (mai pas li petalo), de cop que i'a pegouso, emé de fueio larjo e un pau cendrouso.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 3 à 10 cm
Fueio : óupousado
Tipe bioulougico : Camefite
Cicle bioulougico : Planto renadivo

Gènre : Cerastium
Famiho : Caryophyllaceae

Ordre : Caryophyllales

Coulour de la flour : Blanco
Petalo : 5
Ø (o loungour) flour : 1,8 à 2,2 cm
Flourido : Estiéu

Sòu : Ca
Autour basso e auto : 2200 à 3000 m
Aparado : Noun
Juilet à avoust

Liò : Esboudèu - Pelouso roucaiouso
Estànci : Subaupen à Aupen
Couroulougi : Ouroufito-Cèntre-Éuropenco
Ref. sc. : Cerastium latifolium L., 1753

Ravanello

Raphanus raphanistrum subsp. landra

Brassicaceae Cruciferae

Àutri noum : Ravanasso, Ravaniscle, Rafanello, Ravanet.

Noms en français : Radis maritime, Radis sauvage.

Descripcioun :
La ravanello èi lou cousin fèr di rais-fort. Trachis dins lis ermas, en ribo de camin e peréu proche de la mar. Se recounèis à si petalo que s'estrechon (à ounglet), si fueio pelouso coumpausado de 2 à 8 paréu de tros prefound e subretout à si fru acaba emé un bè, ço que lou destrìo dóu gènre proche Brassica. Coumpara emé la subsp. raphanistrum que ié sèmblo.

Usanço :
Tout èi manjadis dins la ravanello. Li flour e li jóuini fueio en ensalado, li fueio mai vièio (mai pas trop que pièi soun amaro), cuecho, li jóuini fru peréu. Se fai uno meno de moustardo emé li grano que se manjon peréu greia.

Port : Grando erbo
Taio : 15 à 80 (100) cm
Fueio : alterno
Tipe bioulougico : Teroufite
Cicle bioulougico : Planto de l'an

Gènre : Raphanus
Famiho : Brassicaceae
Famiho classico : Cruciferae

Ordre : Brassicales

Coulour de la flour : Jauno
Petalo : 4
Ø (o loungour) flour : 1 à 1,5 cm
Flourido : Printèms - Estiéu

Sòu : Ca
Autour basso e auto : 0 à 600 m
Aparado : Noun
Remarco : Planto de coustiero
Mai à setèmbre

Liò : Ribiero - Mar - Champ - Camin
Estànci : Termoumediterran à Mesoumediterran
Couroulougi : Mediterrano-atlantico
Ref. sc. : Raphanus raphanistrum subsp. landra (Moretti ex DC.) Bonnier & Layens, 1894

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Cerastium latifolium & Raphanus raphanistrum subsp. landra

ges

Coumpara Ceraiste(-di-fueio-larjo) emé uno autro planto

Coumpara Ravanello emé uno autro planto